Kryeministri i Kosovës, Albin Kurti, ka shprehur shqetësimin e tij në lidhje me mungesën e hapur dhe përgjegjësinë e refuzuar nga Serbia në lidhje me 1 mijë e 617 persona të zhdukur me forcë gjatë luftës së Kosovës.
Në një deklaratë të postuar në platformën X, të njohur si Twitter, në Ditën Ndërkombëtare të Viktimave të Zhdukur me Forcë, Kurti ka theksuar se mungesa e tyre rëndon ende më shumë.
Ai ka shtuar se Serbia vazhdon të mohojë përgjegjësinë dhe refuzon t’i hapë arkivat dhe t’i zbulojë vendndodhjet e varrezave masive në lidhje me këto viktimat.
“Në ditën ndërkombëtare të viktimave të zhdukjeve me forcë, kujtojmë 1617 personat e zhdukur me forcë gjatë luftës së Kosovës. Mungesa e tyre ende rëndon shumë, pasi Serbia vazhdon të mohojë përgjegjësinë dhe refuzon t’i hapë arkivat dhe t’i zbulojë vendndodhjet e varrezave masive”, ka shkruar kryeministr Kurti në platformën X, e njohur si Twitter më parë.
Sipas Fondit për të Drejtën Humanitare, gjatë luftës së viteve 1998-‘99, në Kosovë janë vrarë më shumë se 13.500 persona – shumica dërrmuese shqiptarë.
Institucionet e Kosovës thonë se përgjatë këtyre dy vjetëve u kryen rreth 400 masakra në tërë territorin e vendit.
Nga viti 1999 u identifikuan dhjetëra varreza masive në territorin e Kosovës dhe atë të Serbisë.
Edhe sot, më shumë se 1.600 persona konsiderohen ende të zhdukur – shumica shqiptarë.
