Ish-presidenti i Shteteve të Bashkuara të Amerikës, Donald Trump, është bërë i pari ish-president në historinë e vendit, fotografia e të cilit është bërë pjesë e regjistrave policor.
Pasi ai u dorëzua në burgun e Fultonit në Atlanta, me akuzën për komplotit për të përmbysur rezultatet e zgjedhjeve të shtetit në vitin 2020, në media u publikua fotografia e tij e bërë për regjistrat policorë.
Ai u largua nga burgu vetëm rreth 20 minuta pasi hyri aty.
Trump duhej të paguante 200 mijë dollarë si garanci për t’u liruar nga burgu i Atlantës, derisa është në pritje të gjyqit.
Pas kësaj ai u rikthye në platformën X, duke publikuar mesazhin e parë pas më shumë se dy vjet e gjysmë.
Ai e postoi fotografinë e tij të bërë në burg për regjistrat policorë dhe shkroi “Ndërhyrje në zgjedhje. Nuk dorëzohem kurrë!”.
https://t.co/MlIKklPSJT pic.twitter.com/Mcbf2xozsY
— Donald J. Trump (@realDonaldTrump) August 25, 2023
