Ministria e Punëve të Jashtme dhe Diasporës, ka organizuar pritje zyrtare për nderë të Ditës së Pavarësisë së Ukrainës.
Ministrja e Punëve të Jashtme dhe Diasporës, Donika Gërvalla tha se Kosova e dinë se çfarë nënkupton pavarësia. Sipas saj, gjithë qytetarët e Kosovës e kanë ndjerë agresionin dhe luftën.
“Kjo ditë është histori, qëndresë dhe pavarësi. Ju e keni ndier vet, por do të mundohem të shpjegoj se pse ju jeni të veçantë. Unë isha e detyruar ta lë Kosovën, gjithçka që e kishim e lamë prapa. Ne ishim vetëm një familje, në mesin e mijëra familjeve. Ne jemi më të vogël se Ukraina, sa i përket agresionit ne e ndjemë në lëkurën tonë se si është të jesh target i agresionit. E dimë që historia juaj po mohohet”, ka theksuar Gërvalla.
Në diskutimin me gazetarët ukrainas të strehuar në Kosovë, në kuadër të programit “Journalists-in-Residence Kosovo”, kryediplomajta ka thënë se Kosova mbështet Ukrainën dhe është e bindur se do të fitojë.
“Kosova qëndron me Ukrainën e re, dëshiron të ju mbrojë juve. Ukraina do të gëzojë sovranitetin dhe pavarësinë e plotë. Jam e bindur se do të festojmë bashkë me ju fitoren”, ka theksuar Gërvalla.
