Qeveria e Kosovës sot do të mbajë mbledhjen e radhës dhe kryeministri Albin Kurti i ka ftuar ministrat e tij për takim nga ora 11:00.
Zyra e Kryeministrit ka njoftuar për mbledhjen e sotme dhe kë bërë të ditur edhe agjendën dhe pikat që do të shqyrtohen.
Në rend të ditës për shqyrtim janë 13 pika të ndryshme, duke mos përjashtuar edhe ndonjë që mund të futet gjatë mbajtjes së mbledhjes.
Mes tjerave, si pikë për shqyrtim në mbledhjen e 156 të Qeverisë do të jetë edhe shqyrtimi i Propozim-vendimit për shpronësimin e disa pronave në komunën e Leposaviqit dhe Zubin Potikut, të cilat janë me rëndësi publike.
