Deputeti i LVV-së, Artan Abrashi ka reaguar ndaj deputetëve të opozitës, të cilët kanë kritikuar Qeverinë Kurti lidhur me ngjarjet e ditës së djeshme, ku u arrestuan zyrtarët e MINT si dhe kërkesat e tyre për dorëheqje të ministres së ministrisë së Industrisë, Ndërmarrësisë dhe Tregtisë, Rozeta Hajdari.
Abrashi ka thënë se në kohën e qeverisjes PAN, janë zhdukur 2500 tonë grurë në vlerë prej 630 mijë euro nga rezervat shtetërore, ku prokuroria kishte shqiptuar gjobë vetëm prej 5000 euro.
Deputeti Abrashi, tutje ka shtuar se në atë kohë nuk kishte pasur thirrje për dorëheqje të ministrive, për audioincizime të zyrtarëve civil apo fushata mediatike lidhur rezervat shtetërore.
“Në vitin 2019 ishin zhdukur 2500 tonë grurë në vlerë prej 630 mijë eurosh nga Rezervat shtetërore. Prokurorisë iu deshtën 1 vit për të ndërmarrë diçka dhe atë dënim monetar prej 5 mijë eurosh. Në anë kohë qeveriste PAN. MINT-in drejtonte NISMA, kurse qeverinë AAK. Nuk mbahet në mend të kishte thirrje për dorëheqje të ministrit, audioincizime të zyrtarëve civil, apo fushata mediatike për “afera” me rezerva shtetëror.
Krahasojeni vet me filmat që bëhen sot pa pasur asgjë.”, ka shkruar Abrashi në facebook.
