Edhe 85 infermierë të rinj nga dita e nesërme do të fillojnë punën në klinika të ndryshme të Qendrës Klinike dhe Universitare të Kosovës (QKUK).
Kështu thuhet në një njoftim që ka lëshuar për media Shërbimi Spitalor Klinik dhe Universitar i Kosovës (ShSKUK).
Punësimi i tyre do të zbusë pjesërisht mungesën e infermierëve në klinikat e QKUK-së.
Tutje bëhet e ditur se nënshkrimi i kontratave u bë gjatë ditës së sotme.
Me këtë rast, drejtori i përgjithshëm i ShSKUK-së, Elvir Azizi, infermierëve iu ka dëshiruar punë të mbarë, duke i porositur ata, që në qendër të punës së tyre të kenë kujdesin ndaj pacientëve.
Nga 85 infermierët e pranuar së fundmi, 70 janë më kualifikim bachelor dhe 15 me shkollim të mesëm.
