Deputetja e Parlamentit të Britanisë së Madhe, Alicia Kearns, ka thënë se 10 kryetarë të komisioneve për punë të jashtme dhe 56 deputetë i kanë bërë thirrje Shteteve të Bashkuara të Amerikës, Bashkimit Evropian dhe Britanisë së Madhe që të ndryshojnë qasjen ndaj Kosovës dhe Serbisë.
Përmes një postimi në Twitter, Kearns ka thënë se ekziston nevoja për diplomaci parandaluese.
Ka shtuar se duhet të ketë ekuilibër në marrëdhëniet e tyre me dy vendet, në mënyrë që sipas saj, të mos përsëriten gabimet e së shkuarës.
“10 kryetarë të komisioneve për punë të jashtme dhe 56 deputetë i kanë bërë thirrje SHBA-së, BE-së dhe Britanisë së Madhe që të ndryshojnë qasjen tonë ndaj Kosovës dhe Serbisë. Ne kemi nevojë për diplomaci parandaluese, ku të sigurohemi që të ketë ekuilibër në marrëdhëniet tona dhe të mos përsërisim gabimet e së kaluarës”, ka shkruar ajo.
Në letrën e dërguar ata kanë bërë thirrje të reagohet ndaj tendencave destabilizuese të Serbisë.
Këtë letër e ka nënshkruar edhe kryetari i politikës së jashtme në Bundestagun e Gjermanisë, Michael Roth nga radhët e SPD-së dhe senatori amerikan Bob Menedez.
Në këtë letër janë nënshkruar edhe kryetarët e komiteteve të politikës së jashtme të Britanisë e Çekisë, Ukrainës, Irlandës, Estonisë dhe Lituanisë.
Është kërkuar nga komuniteti ndërkombëtar të merren mësime nga e kaluara dhe të mos ndiqet politikë ku qendër në Ballkan është Beogradi.
10 Chairs of Foreign Affairs Committees and 56 Parliamentarians have called on the US, EU & UK to change our approach to #Kosovo and #Serbia.
— Alicia Kearns MP (@aliciakearns) August 6, 2023
We need deterrence diplomacy, where we ensure there is balance in our dealings, and we do not repeat the mistakes of the past. 1/ pic.twitter.com/zEYsvTNFP3
