Ministri i Mjedisit, Planikimit Hapësinor dhe Infrastrukturës (MMPHI), Liburn Aliu, ka bërë të ditur se kanë pezulluar pëlqimin mjedisor për ndërtimin e një inceneratori për trajtimin e mbeturinave në qytetin e Ferizajt.
Ministri Aliu në konferencë për medie të martën, tha se pëlqimi mjedisor kësaj kompanie iu është dhënë pa dijenin e tij në dhjetor të vitit të kaluar.
Sipas tij, kjo është bërë pa i përfillur ligjet dhe pa konsultim me ekspertë të ambientit.
Për këtë arsye ministri Aliu tha se pas auditimit kanë shkarkuar edhe komisionin brenda ministrisë që ka dhënë pëlqim mjedisor.
Inceneratori ka qenë i planifikuar të mbledh dhe djeg rreth 100 mijë ton mbeturina.Ne kemi marr pëlqim dhe leje ndërtimore në Ferizaj dhe atje do të ndërtojmë iniciator që nënkupton djegien e 100 mijë tonëve të mbeturinave”, tha ai.
Aliu tha se për këtë projekt, dyshon që ka interesa nga dikush. Tha se skandali ka ndodh në kohën sa ka qenë ministër.
“Ne kemi marr pëlqim dhe leje ndërtimore në Ferizaj dhe atje do të ndërtojmë iniciator që nënkupton djegien e 100 mijë tonëve të mbeturinave”, tha ai.
Aliu tha se për këtë projekt, dyshon që ka interesa nga dikush. Tha se skandali ka ndodh në kohën sa ka qenë ministër.
“Është projekt i madh dhe normalisht ka interesa, kush e ka dhënë pëlqimin nuk e dimë me emra. Si është bërë dhënia e lejes, pra këto shkelje më kanë interesuar mua. Kur ka ndodh kjo, pra ka ndodh në kohën sa unë kam qenë ministër dhe unë po dal po e denoncoj. Me emra, nuk e di kush e ka nënshkruar, nuk e di as kush e ka dhënë emrat nga autoritetet komunale”, tha tutje Aliu.
E zëvendësministri i këtij dikasteri, Avni Zogiani, tha se procesi i lejeve është përcjell në vazhdimësi me skandale.
“Procesi i lejeve, pëlqimeve ambienatale ka qenë problematik dhe është përcjellë me skandale. Duke u nisur nga kjo, ne kemi kohë që punojmë në reformim dhe na ka marrë kohë sepse bëhet përmes komisioneve”.
“Definitivisht nuk mund të ecim me reformim legjislativ nëse nuk ka reformë edhe në Komisione. Kemi kërkuar nga sekretari që t’i shkarkojë dy Komisione, atë për pëlqimin e lejeve dhe për mbeturina”, tha Zogiani.
