Drejtuesit e Tottenham Hotspur do të takohen me një delegacion të Bayern Munichut të hënën për të shqyrtuar transferimin e sulmuesit Harry Kane.
Sipas Daily Mail, kryetari i Spurs, Daniel Levy anuloi një takim të planifikuar për të premten, megjithëse tani do të takohet me zyrtarët e Bayern të hënën.
Drejtorët e Bayernit, Jan-Christian Dreesen dhe Marco Neppe do të jenë në Londër javën e ardhshme për negociata.
Gjigantët gjermanë janë të gatshëm t’i ofrojnë Kane një kontratë katërvjeçare dhe kanë kërkuar të lidhin gjithashtu me bashkëlojtarin e tij te Angli, Kyle Ëalker, i cili mund të transferohet nga Manchester City.
Bayerni kishte një ofertë prej 80 milionë euro të refuzuar nga Spurs dy javë më parë dhe pritet të provojë sërish këtë javë.
Kane ka më pak se një vit për të përfunduar marrëveshjen e tij aktuale dhe largimi i tij duket i pashmangshëm pasi anglezi ka refuzuar ta rinovoj kontratën.
