Seanca e fundit parlamentare në Kosovë u anulua, duke përfunduar kështu sesionin pranveror të Kuvendit. Ndërkohë, partitë opozitare, përfshirë Aleancën për Ardhmërinë e Kosovës (AAK), organizuan konferencë për media për të shprehur shqetësimet e tyre.
Shefi i Grupit Parlamentar të AAK, Besnik Tahiri, ka theksuar se partia e tij kishte bërë një konfirmim të qartë për të votuar në favor të disa marrëveshjeve të rëndësishme të cilat ishin paraparë të diskutoheshin në seancën e fundit.
Përveç kësaj, Tahiri ka akuzuar Qeverinë për dështim të seancës, duke e cilësuar këtë si një pasojë e anulimit të qëllimshëm.
“Sot jemi dëshmitar të anulimit të qëllimshëm të një seance, për me i ikë debatit për skandalin “zdravo” që tashmë iu ka shtuar emri “zejtin”, por edhe disa marrëveshjeve ndërkombëtare, për të cilat ne kemi premtuar me dhanë votën sot”, është shprehur Tahiri.
Në fjalimin e tij, Tahiri ka thënë se moszhvillimi i seancës është një goditje për Kosovën, e cila tashmë duket e dobët, jo vetëm brenda kufijve të saj, por edhe në arenën ndërkombëtare.
Në këtë kontekst, ai ka shprehur shqetësimin se mosmbajtja e seancës ka ndikuar në mungesën e diskutimeve për çështje kyçe, duke i shmangur vendit mundësinë për të shqyrtuar dhe miratuar marrëveshje të rëndësishme.
Gjithashtu, kritikat nga deputeti i AAK-së ka kritikuar Qeverinë për mungesën e vullnetit për të zgjidhur çështje thelbësore në vend.
Ai ka ngritur shqetësimin e policëve të rrezikuar dhe akuzoi se ka pasur mungesë përgatitjeje në krijimin e një rregulloreje për shtesat e tyre të rrezikshmërisë.
Po ashtu, ai ka theksuar se nuk është trajtuar seriozisht çështja e rritjes së pagave për këtë kategori, duke i quajtur këto thirrje “gënjeshtra të pastërta”.
“Qeveria nuk ka dashur të diskutojë as për policët që janë të rrezikuar, janë gënjeshtra të pastërta ajo që flitet për rritje të pagave, 6 muaj s’kanë mbërri me përgatitë një rregullore për shtesa për rrezikshmëri”, ka deklaruar ai.
Seanca e së premtes e Kuvendit është mbyllur pa nisur punimet. Deputetët e Qeverisë kanë munguar, prandaj nuk ka pasur kuorum. Me këtë rast Kuvendi mbylli punimet për seancën pranverore.
