Deputetja e Kuvendit të Kosovës nga radhët e Lëvizjes Vetëvendosje, Arbreshë Kryeziu ka thënë se tashmë është konfirmuar edhe nga ushtruesja e detyrës së drejtoreshës së ARBK-së, Lebibe Haliti, që në vitin 2014, personi me emrin Florent Nallbani, aplikon pranë këtij institucioni për marrjen e pronësisë së Klan Kosova, me pasaportën ku te vendlindja figuron Peć/Serbia.
“Kam adresuar këto probleme tek personat përgjegjës sepse konsideroj që është e qëllimshme dhe e kundërligjshme”, thotë citohet të ketë thënë zonja Haliti.
Tutej deputetja tregon se më 26.11.2008, personi me emrin Aleksandër Frangaj, me prejardhje nga Shqipëria, aplikon në ARBK për regjistrimin e biznesit Klan Kosova. Përpos aplikacionit, nuk figuron asnjë dokument tjetër siç edhe kërkohet me ligj për përmbushjen e dosjes dhe marrjen e vendimit.
“Më 16.08.2013, në ARBK aplikohet për ndryshim të pronarit, me emër Florent Nallbani dhe drejtor Baton Haxhiu. Më 31.01.2014, Gentiana Behluli aplikon në ARBK për ndryshim të pronarit, tek KMedia Coorporation(Shkup), me pronar Florent Nallbani. Ky i fundit, aplikon me pasaportën në të cilin tek vendlindja figuron Peć/Serbia. Më 03.12. 2015 Blerim Prestreshi aplikon për ndryshimin e pronësisë së Klan Kosova nga KMedia Coorporation tek Seine Group.
Më 27.04.2020 Barlet Imami aplikon për ndryshim pronari nga Seine Group tek KGO Media me prejardhje nga Maqedonia e Veriut dhe pronar Kushtrim Gojani.
Më 11.10.2021 Barlet Imami aplikon për ndryshim pronari nga KGO Media tek KGO Media Investment Holding, me të njejtin pronar Kushtrim Gojani”, ka shkruar deputetja Kryeziu.
Sipas saj, për të gjitha këto ndryshime të pronësisë, kërkesa KPM-së i ka ardhë në vitin 2009, në vitin 2019 për ripërtëritje të liçencës dhe në vitin 2020 kërkesë për ndryshim.
“Çfarë realisht ka ndodhur dhe kush do të jap përgjegjësi për këto skandale të një pas njëshme, që thjeshtë janë aprovuar në heshtje për t’i shërbyer një biznesi”, ka shtruar pyetjen deputetja.
