Është dorëzuar në Gjykatën Kushtetuese kërkesa për vlerësimin e kushtetutshmërisë së Ligjit për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, nga Shefi i Grupit Parlamentar të AAK-së, Besnik Tahiri.
Në një fjalë për media, Tahiri ka deklaruar se kërkesa e tyre në Kushtetuese ka trajtuar tre çështje gjersa thekson se Ligji i miratuar paraqet një shkelje të të drejtave të njeriut.
“Kemi adresuar tre çështje të rëndësishme. E para Këshilli Ekonomik-Social i cili përcakton ligjin e punë dhe I cili nuk është konsultu sa I përket pages minimale, tregon për një shkelje flagrante që qeveria e Kosovës e ka bërë. E dyta është diskriminimi I palëve të cenueshme të cilët nuk janë përfshirë. Kjo është një diskriminim dhe një shkelje e drejtëpërdrejtë e të drejtave të njeriut. Dhe e treat lidhet me veteranët e UÇK-së. Jo vetëm që është shkelje por lidhet edhe me vlerat që kjo kategori përfaqëson. Presim nga Kushtetuesja t’a vlerësoj dhe jemi të bindur që ky rast do të jetë rast i cili do të thejë dy padrejtësi, mashtrimin flagrant të pages minimale dhe e dyta lidhet me dinjitetin e veteranëve të UÇK-së, të drejtat e njeriut.
Me 60 vota për, vetëm një abstenim e asnjë kundër, është miratuar Ligji për pagën minimale nga deputetët e Kuvendit të Kosovës, të enjten e 13 korrikut.
Të njëjtin, Aleanca për Ardhmërinë e Kosovës (AAK) ka vendosur ta dërgojë në Gjykatën Kushtetuese për vlerësimin e kushtetutshmërisë së saj, ndryshimin e plotësimin e ligjeve që janë përcaktues të lartësisë së pagës minimale.
Dorëzimi i kësaj kërkese do të bëhet nga shefi i Grupit Parlamentar të AAK-së, Besnik Tahiri, me fillim nga ora 10:00.
Ky ligj parasheh rritjen e pagës minimale në 264 euro bruto, apo 250 euro neto.
Deri tani, paga minimale në Kosovë është ndarë në dy kategori: 130 euro për të punësuarit e moshës nën 35 vjeç dhe 170 euro për të punësuarit mbi 35 vjeç.
Me miratimin e këtij ligji, kjo do të ndryshojë.
Kujtojmë se ky ligj në të kaluarën ka ngjallur kundërshtime të mëdha nga veteranët e luftës, pensionet e të cilëve nuk janë inkuadruar në këtë ligj.
