I dërguari i Bashkimit Evropian për dialogun mes Kosovës dhe Serbisë, Miroslav Lajçak, tha se ka pasur një diskutim të dobishëm me kryeministrin Albin Kurti, në simpoziumin në Greqi.
Ai shkroi në Twitter të martën se kanë biseduar mbi situatën aktuale në veri, për rrugën drejt shtensionimit të situatës dhe për zbatimin e marrëveshjeve të dialogut.
“Në Simpoziumin e Symit të këtij viti para një diskutim të dobishëm me kryeministrin Albin Kurti për situatën aktuale në veri të Kosovë dhe rrugën drejt shtensionimit, si dhe për zbatimin e të gjitha marrëveshjeve të dialogut”, shkroi i dërguari i BE-së.
Për takimin me Lajçakun, Kurti ka shkruar të hënën se “moti ishte shumë më i nxehtë se diskutimi”.
“Pata një bisedë të gjatë me emisarin Miroslav Lajçak në margjinat e Simpoziumit të 25-të të SYMI në Kretë për uljen e tensioneve dhe normalizimin e marrëdhënieve me Serbinë. Ne mbetemi të përkushtuar. Moti ishte shumë më i nxehtë se diskutimi ynë”, ka thënë ai.
At this year’s Symi Symposium, I had a useful discussion with Prime Minister @albinkurti about the current situation in the north of Kosovo and the way forward towards de-escalation and implementation of all Dialogue agreements. pic.twitter.com/A9cC6xAGmh
— Miroslav Lajčák (@MiroslavLajcak) July 18, 2023
