Gjatë ditës së sotme, në Prishtinë pati stuhi të shoqëruar me erëra të forta dhe shi.
Kjo ka bërë që në kryeqytet të shkaktohen disa dëme.
Kryetari i Prishtinës, Perparim Rama, ka njoftuar se tashmë të gjitha njësitet përkatëse janë të angazhuara në terren për sanim të dëmeve të shkaktuara.
“Reagimi i ekipeve tona në terren bashkë me zjarrfikësit ka qenë i menjëhershëm, kemi larguar lisin e rrëzuar nga rruga “Luan Haradinaj” dhe e kemi pastruar zonën” ka thënë Rama.
Kryetari i kryeqytetit ka falendëruar ndërmarrjen “Hortikultura” e cila ka reaguar shpejt në këtë situatë.
Më herët, Rama u bëri thirrje qytetarëve që të kenë kujdes të shtuar gjatë lëvizjes me automjete, si dhe të kontaktojnë numrat emergjentë në raste nevoje.
