Një juri e madhe ka paditur një burrë të Ohios i akuzuar se qëlloi për vdekje tre djemtë e tij të vegjël – akuza për të cilat ai mund ta marrë dënimin me vdekje.
Chad Doerman u padit për vrasje të rëndë, rrëmbim dhe sulm për vrasjet e djemve të tij më 15 qershor.
Djemtë, 7, 4 dhe 3 vjeç, u vranë. Prokurorët kanë thënë se ai pranoi se kishte planifikuar gjuajtjet me armë, por para gjyqit Doerman u deklarua i pafajshëm, raportoi AP.
“Ky ishte burri që çdo ditë kur ata u zgjuan kërkonin mbështetje dhe dashuri në të gjitha gjërat. Ai ishte bota e tyre, ai ishte kujdestari i tyre dhe ai i ekzekutoi me gjak të ftohtë”, ka thënë kryeprokurori i Qarkut të Clermontit, David Gast.
Policia ka thënë se nëna 34-vjeçare ishte jashtë shtëpisë dhe u qëllua me armë në dorë kur po përpiqej t’i mbronte djemtë.
Nuk dihet motivi që çoi në vrasjen e tyre.
