Ministri i Administrimit dhe Pushtetit Lokal, Elber Krasniqi për Ditën Memoriale të komunitetit egjiptian, ka thënë se këto ditë memoriale janë ‘më madhështore se datat festive’, duke i përshkruar si ditë reflektimi për të kaluarën.
“Kur flasim për periudhat kohore, jemi mirënjohës idealistëve të pashoq, Ibishit, Imeri, Ramizi, Bislimit, Xhevdetit dhe shumë prirësve të tjerë të cilët i kishin rrethanat e vështira por synimet e qarta. Po të njëjtën rrugë e vazhdojmë me përgjegjësi dhe nder, ne gjeneratat pas tyre, ndonëse rrethanat i kemi më të lehta por synimet mbesin të njëjta”, ka shkruar Krasniqi.
Ministri Krasniqi ka thënë se komuniteti egjiptian për arsyje të kushteve të vështira socio-ekonomike, të jetuarit e ka përjetuar si sfidë.
“Ndonëse për tem dhe rast tjetër, komuniteti ynë të jetuarit për arsyje të kushteve të vështira socio-ekonomike, e ka përjetuar si sfidë, përpjekje dhe përplasje shpeshherë i përqeshur e i përçmuar, këtyre kohëve fatmirësisht po i vie fundi dhe barazia e dinjiteti po jetësohet”, ka shkruar ai.
