Ministri i Mbrojtjes, Armend Mehaj, ka reaguar pasi ministri i Punëve të Brendshme, Xhelal Sveçla, njoftoi se është parandaluar një sulm terrorist në veri.
Ai ka përmendur edhe kritikat që i morën për marshin e FSK-së në Mitrovicën e Jugut.
“Kjo sasi e armatimit është kapur sot nga Policia e Kosovës, për të parandaluar sulme terroriste të nxitura dhe planifikuara nga Serbia. Janë të përditshme rastet e tentimit për destabilizim të vendit tonë dhe ende dikush hamendëson për fajtorin e vetëm në këtë mes, e që është Beogradi. Sot patëm qindra reagime (të panevojshme) për një marshim kondicional të FSK-së, i cili ishte në planin vjetor të aktiviteteve dhe për të cilin ishin të njoftuar të gjithë” – tha ai.
Ministri madje, në fund ka pyetur: “Çfarë reagimesh do të ketë ndaj Beogradit pas kapjes së kësaj sasie të armatimit?”
