Në Kosovë në pesë ditët e ardhshme do të mbajë mot i paqëndrueshëm, ka njoftuar Instituti Hidrometeorologjik i Kosovës (IHK).
Të hënën është paraparë mot me diell dhe vranësira, ndërsa në disa vende do të ketë edhe reshje të shiut.
Temperaturat do të jenë të ngjashme me ato që ishin gjatë kësaj jave.
Mot kryesisht i ngjashëm do të mbajë edhe të martën.
Edhe të mërkurën do të ketë mot me diell e vranësira, ndërsa reshjet e shiut do të jenë më të fokusuara në relievin malor.
Ngjashëm do të jetë edhe të enjten e të premten.
Parashihet edhe shkarkime rrufesh gjatë këtyre ditëve, e në disa zona mund të bie edhe breshër. Reshjet me sasi më të madhe priten në rajonin e Dukagjinit.
“Shkarkime rrufesh në shumë zona parashihen gati çdo ditë, por nuk përjashtohen mundësitë që në zona të izoluara të bjerë breshër, si pasojë e ndryshimeve termike dhe barike. Pra, siç po vërehet nga ky parashikim, situata meteorologjike mbetet e pandryshuar me ditët e fundit të majit dhe fillimi të qershorit. Gjykuar në aspektin territorial, reshjet me sasi më të mëdha priten në perëndim dhe veriperëndim të Dukagjinit. Do të fryjë erë e lehtë dhe lokalisht e fortë nga drejtime i verilindjes dhe jugperëndimit”, thuhet nga Instituti.
