Një vajze tetëvjeçare me kushte themelore mjekësore, e cila vdiq në paraburgimin e Patrullës Kufitare të ShBA-së, iu refuzuan vazhdimisht kërkesat për të shkuar në spital, raporton BBC.
Anadith Tanay Reyes Alvarez u pa nga stafi mjekësor nëntë herë në tre ditë – me “ethe, simptoma të ngjashme me gripin dhe dhimbje”, thanë hetuesit.
Ajo u vizitua nga një infermiere katër herë ditën që vdiq.
Megjithatë, infermierja refuzoi “tre-katër kërkesa të nënës së vajzës për të thirrur një ambulancë”.
Detajet e tragjedisë vijnë nga Dogana dhe Patrulla Kufitare, e cila ka shkruar një raport për vdekjen e Alvarez.
Vajza, e cila lindi në Panama nga prindër nga Hondurasi, u trajtua për simptomat e saj më 16 maj me ilaçe kundër gripit dhe temperaturës, pako akulli dhe një dush të ftohtë, tha ajo.
Por asnjë nga stafi nuk dukej në dijeni se Alvarez vuante nga anemia drapërocitare, një gjendje kjo që zakonisht kërkon trajtim gjatë gjithë jetës, ose se ajo kishte një histori të sëmundjeve të lindura të zemrës.
Familja tha se ata raportuan historinë e saj mjekësore kur ishin marrë për herë të parë në paraburgim në një institucion tjetër një javë më parë.
