Nga raporti i Zyrës Kombëtare të Auditmit për vitin 2021 për Komunën e Fushë Kosovës është gjetur se nuk kishte bazë të qartë të kritereve për dhënien e subvencioneve në fushën e bujqësisë duke u konsideruar si mangësi në menaxhimin e subvencioneve
Ligji nr.03 L-40 për vetëqeverisjen lokale neni 12, përcakton se Kuvendi Komunal mund të miratojë akte brenda fushës së kompetencave të tij, edhe rregulloret komunale dhe çdo akt tjetër të nevojshëm apo duhur për funksionimin e komunës. Edhe pse Komuna ishte bazuar në rregulloren për ndarjen e subvencioneve të vitit 2013, sipas ZKA e njëjta nuk kishte bazë të qartë të kritereve për dhënien e subvencioneve në fushën e bujqësisë ku si pasojë e kësaj përzgjedhja apo eliminimi i aplikuesve nuk kishte bazë të qartë juridike.
Në raportin e Zyrës Kombëtare të Auditimit janë paraqitur disa nga këto mangësi të cilat janë:
• Në dosjet për mekanizëm bujqësor, motokultivator, serra, pajisje bletare dhe pompë spërkatëse nuk kishte dëshmi të vlerësimit për aplikantët e eleminuar, që do të vërtetonte se aplikantët e eleminuar nuk i kishin plotësuar kriteret e përcaktura në thirrje publike;
• Personi i njëjtë që kishte përgatitur specifikat edhe paramasën dhe parallogarinë e tenderit ishte anëtar në komisionin e vlerësimit për ndarjen e subvencioneve dhe menaxher i projektit;
• Komisioni për monitorimin e projekteve kishte bërë monitorim të pjesërishëm, vetëm të disa projekteve.
Ndikimi që mund të kënë këto mangësi mund të rezultoj negativisht në menaxhimin e mirëfillt të subvencioneve andaj ZKA rekomendon Kryetarin e Komunës që të siguroj rregullore për ndarjen e subvencioneve e cila parasheh kritere të qarta dhe të matshme për ndarjen e tyre.
