Lionel Messi ka shtuar spekulimet për të ardhmen e tij pasi zgjodhi të shkonte në një koncert të Coldplay në Barcelonë, në vend që të merrte pjesë në festën e fitimit të titullit në Ligue 1 të dielën.
Argjentinasi ndihmoi Paris Saint-Germain të fitonte titullin duke shënuar në barazimin 1-1 me Strasburgun të shtunën mbrëma. Argjentinasi shënoi golin e tij të 496-të në pesë ligat më të mira të Evropës, duke e kaluar rekordin e Cristiano Ronaldos që ka 495.
Pamjet nga brenda dhomës së zhveshjes në Strasburg treguan lojtarët e PSG-së duke u lagur me shampanjë dhe duke brohoritur – por, ndoshta në mënyrë të dukshme, Messi mbeti i ulur, duke mos u bashkuar në festime.
Kontrata e argjentinasi me PSG-në skadon në fund të qershorit dhe ai pritet të largohet nga klubi pas dy vitesh.
Ai u pezullua nga PSG në prill për një udhëtim të paautorizuar në Arabinë Saudite dhe duket i shkëputur nga pjesa tjetër e skuadrës.
Kjo ndjenjë u nënvizua nga pamjet e fundjavës që treguan Messin në turmë duke dëgjuar Coldplay në stadiumin Montjuic me gruan e tij Antonela Roccuzzo dhe ish-bashkëlojtarin e tij të Barcelonës Cesc Fabregas të dielën.
