Kryetari i sapozgjedhur i komunws së Mitrovicës së Veriut, Eden Atiq ka thënë se nesër nuk presin probleme.
Ai është shprehur se mburret që pas shumë vitesh ka filluar demokratizimi i Institucionit të Komunës.
“Nesër nuk presim probleme, përveç probleme administrative. Siç e dini pas shumë e shumë vitesh, unë si kryetar komune i ri i Mitrovicës, mund të mburrem veç kemi filluar demokratizimin e institucionit të komunës.
Mesa unë kam lexuar nga mediat, reagimi ishte që të mos vazhdonim më tutje, pasi Institucionet e Sigurisë e kanë bërë detyrën për të siguruar hyrjen e kryetarëve të komunave në godinat e tyre.
Nuk po më duket shumë problematike”, u shpreh Atiq për ABC News.
Më tej, ai ka theksuar se për hyrjen e tij në komunë nuk ka pasur asnjë lloj problem që prej vitit të kaluar.
Atiq ka treguar se i vetmi rast ka qene një mini-protestë e grave dhe vajzave serbe.
“Për hyrjen time këtu nuk ka pasur ndonjë problem, pasi prej nëntorit të vitit të kaluar, kemi ardhur 15 delegatë të rinj nga Komuna e Veriut të Mitrovicës dhe as atëherë nuk e kemi pasur asnjë problem. Përjashto këtu ditën e emërimin, një miniprotestë nëse mund të quhet ashtu e vajzave dhe grave të nacionalitetit serb, të cilat e patën një kërkesë, protestuan përpara oborrit të komunës së Mitrovicës dhe e shfrytëzuam rastin me i taku. Një përfaqësuese prej tyre erdhi këtu dhe e dëgjuam. Si qeverisje e re menduam t’i zgjidhim këto probleme”, tha ai.
Kryetari i Mitrovicës së Veriut, Erden Atiq, u betua më 19 maj.
Kryetarët e këtyre katër komunave me shumicë serbe – që të gjithë shqiptarë – kanë dalë nga zgjedhjet e jashtëzakonshme të prillit, të cilat janë bojkotuar nga komuniteti serb, pas kërkesës së partisë së tij kryesore, Lista Serbe.
Katër komunat në veri kanë qenë pa kryetarë qysh në fillim të nëntorit, kur udhëheqësit e tyre – që të gjithë nga Lista Serbe – kanë dhënë dorëheqje.
Institucionet e Kosovës i kanë braktisur edhe zyrtarë të tjerë serbë në veri, në shenjë kundërshtimi ndaj një vendimi të Qeverisë në Prishtinë, për t’i riregjistruar makinat me targa ilegale serbe në RKS.
Pas trazirave të së premtes mes Policisë e grupit të serbëve lokalë në veri, kryetari i ri i Komunës së Leposaviqit, Lulzim Hetemi, e ushtroi funksionin e tij në zyrë të shtunën, por edhe sot.
Në cilësinë e kryetarit, ai e priti në takim dje ministrin e Punëve të Brendshme Xhelal Sveçla, kurse sot i ka pasur në takim ministrin Faton Peci dhe zëvendësministrin Blerim Gasdhani.
Ministri i Bujqësisë, Faton Peci pasi i ka shkuar në zyrë kryetarit të ri të Leposaviqit, Lulzim Hetemit, tregoi për planet e projektet shumëmilionëshe për qytetarët e komunës.
