Propozimi i presidentit të Francës Emmanuel Macron për zgjidhjen e mosmarrveshjeve mes Maqedonisë së Veriut dhe Bullgarisë, e cila i hap rrugën edhe hapjes së negociatave me vendin tonë ka përcarë Shkupin.
Partia opozitare VMRO-DPMNE ka vijuar të organizojë protesta dhe ka akuzuar qeverinë e Kovaçevskit për tradhëti kombëtare.
Protestat janë zhvilluar para ndërtesës qeveritare, kuvendit të Republikës dhe Ministrisë së Jashtme.
Ndryshe nga Opozita maqedonase, partite shqiptare janë shprehur në mbështetje të propozimit të Macron dhe kanë dënuar dhunën ndaj institucioneve.
Përmes një deklarate, Bashkimi Demokratik për Integrim e Ali Ahmetit ka deklaruar se sulmet ndaj forcave të rendit, tregojnë qartë se organizatorët dhe mbështetësit e protestave të dhunshme vazhdojnë të kultivojnë qëllime destruktive anti-europiane, duke i shërbyer politikave pro-ruse në vend për destabilizim të vendit dhe rajonit.
