Pas një aksioni të Europol, 17 shqiptarë janë arrestuar, pasi dyshohet se janë të përfshirë në trafikun e lëndëve narkotike.
Në operacionin e zhvilluar mes autoriteteve gjermane dhe atyre Belge ku morën pjesë rreth 300 forca policie.
15 shqiptarë u arrestuan në Belgjikë dhe 2 në Gjermani pasi është konstatuar se ata ishin të përfshirë në bandën e drogës e cila ishte e specializuar nAksion i Europol në Gjermani dhe Belgjikë, arrestohen 17 shqiptarëë trafikun e heroinës dhe kokainës.
Hetuesit kanë zbuluar se droga po kontrabandohej në kontejnerë në Belgjikë, përpara se të transferohej në Gjermani dhe më pas do të shpërndahej në të gjithë Evropën.
Rezultatet e ditës së aksionit:
26 kërkime pronësie (21 në Belgjikë, 5 në Gjermani)
17 arrestime (15 në Belgjikë, 2 në Gjermani)
Konfiskimet përfshijnë:
Një plantacion i brendshëm i kanabisit
15 kilogramë kanabis
3 kilogramë drogë sintetike dhe 3 kilogramë kokainë
13 automjete, shumica të pajisura me ndarje profesionale të fshehura
3 armë zjarri
Mbi 700 000 euro në para të gatshme
Gjatë hetimit u sekuestruan disa qindra mijëra euro para të gatshme. Europol e mbështeti këtë hetim duke ofruar ekspertizë të përshtatur dhe mbështetje të gjerë analizash dhe duke lehtësuar shkëmbimin e informacionit përmes kanaleve të tij të sigurta. Një sërë takimesh operacionale u organizuan nga Europoli në të gjithë Evropën me qëllim plotësimin e boshllëqeve hetimore në nivel ndërkombëtar dhe koordinimin e veprimeve të njëkohshme që synojnë çmontimin e të gjithë strukturës së këtij grupi kriminal.
Autoritetet e mëposhtme morën pjesë në hetim:
Gjermani: Policia gjermane në Bielefeld dhe Paderborn
Belgjikë: Policia Gjyqësore Federale në Bruksel dhe Zyra e Gjykatës dhe Prokurorisë Hetuese e Brukselit
