Policia e Kosovës në rajonin e Prishtinës ka njoftuar se i ka konfiskuar 12 motoçikleta.
Në një njoftim për media thuhet se konfiskimi erdhi pasi Njësiti Rajonal i Trafikut rrugor, po vazhdon me implementimin e planeve operative për kontrollin e shtuar në trafik me fokus të veçantë ndaj ngasësve të motoçikletave.
Policia ka bërë të ditur po ashtu se janë shqiptuar gjithashtu 13 gjoba.
“Në kuadër të këtyre angazhimeve janë shqiptuar 13 gjoba dhe janë konfiskuar 12 motoçikleta. Angazhimet për sigurinë në trafik do të kenë shtrirje në të gjitha rrugët e rajonit të Prishtinës dhe do të vazhdojnë deri sa të vlerësohet që është arritur efekti i dëshiruar”, thuhet në njoftim.
