Policia e Kosovës ka raportuar për dy raste të lëndimeve në vende të punës gjatë 24 orëve të fundit.
Një rast është raportuar në Prizren, ku punonjësi i një kompanie ka marrë lëndime trupore në punë dhe është dërguar për tretman mjekësor.
“Prizren 20.05.2023 – 12:40. Raportohet se viktima mashkull kosovar përderisa ishte duke punuar në një kompani, ka pësuar lëndime trupore. Viktima është dërguar për tretman mjekësor. Në vendin e ngjarjes kanë dalur njësitë relevante policore dhe inspektori i punës, rasti vazhdon të hetohet”, thuhet në raportin e Policisë.
Ndërsa në një rast tjetër, një punonjësi në Ferizaj i kanë rënë disa skele sipër derisa ishte duke punuar.
Ai është dërguar për trajtim në QKUK.
“Ferizaj 20.05.2023 – 10:35. Raportohet se viktima mashkull kosovar përderisa ishte ne vendin e tij të punës, disa skele i kanë rënë sipër me ç’rast ka pësuar lëndime trupore. Viktima është dërguar në QKUK Prishtinë për tretman mjekësor. Në vendin e ngjarjes kanë dalur njësitë relevante policore dhe inspektori i punës, rasti vazhdon të hetohet”, thuhet në raportin e Policisë.
