Gjithmonë përpiqeni të hani tre vakte të balancuara në ditë, por jo të gjitha ditët janë të njëjta. Ndonjëherë mund të ndiheni të uritur dhe të dëshironi të hani një kafshatë të vogël, diçka të lehtë dhe të shëndetshme për t’ju stimuluar dhe për t’ju mbajtur larg urisë deri në vaktin tjetër.
Çfarë mund të bësh?
Fillimisht thoni jo çdo ushqimi të përpunuar dhe të paketuar. Nëse dëshironi të ngopeni pa e ngarkuar trupin me yndyrna të këqija dhe kilogramë të tepërt, mund të zgjidhni nga ushqimet e mëposhtme dhe t’i shijoni pa frikë.
Bajame të papërpunuara
Të pasura me proteina dhe fibra, bajamet janë të mira për shëndetin tuaj. Një grusht i vogël bajamesh është gjithçka që na nevojitet për të marrë të gjithë energjinë që na nevojitet.
Vezët
Një vezë e zier na jep vetëm 70 kalori. Ajo përmban shumë proteina dhe pak yndyrë. Prandaj, është një ushqim ideal për të shuar urinë gjatë pritjes së vaktit tonë.
Gjizë
E pasur me proteina, gjiza rekomandohet gjithashtu për të shuar urinë. Në mëngjes, në mesditë pas drekës ose si një meze të lehtë pasdite, mos ngurroni ta hani atë.
Mollët e mrekullueshme
Molla është një nga frutat më pak kalori. E dini besojmë se është e mrekullueshme ta konsumoni atëherë kur mendoni se jeni shumë të uritur.
Banania
Ky frut përmban kalium, magnez dhe vitamina A, B dhe C. Banania është ideale.
Një tas me supë perimesh
Një tas i vogël me supë perimesh, sidomos në dimër, është një meze ideale: na ngroh dhe na ngop, na jep të gjithë vlerat ushqyese. Provoni të bëni supë me perime dhe thjesht mbajeni në frigorifer për ta shijuar si meze të lehtë mes vakteve.
