Policia e Kosovës ka zhvilluar një operacion antidrogë në fshatin Breznicë të Obiliqit dhe në një shtëpi në Fushë-Kosovë, duke arrestuar një person dhe sekuestruar mbi 25 kilogramë drogë.
Sipas njoftimit të Policisë fillimisht në pikën kufitare në han të Elezit ishte ndaluar i dyshuari nën dyshimin se mund të ketë substancë narkotike. Më pas u zhvilluan bastisje në tri lokacione.
Në një banesë në Fushë-Kosovë dhe dy shtëpi në fshatin Breznicë të Obiliqit.
U sekuestrua mbi 25 kilogramë drogë të llojit marihuanë, të ndarë në pesë paketime të ndryshme.
Vlera e saj në treg do të sillej mbi 27.500 euro.
Gjithashtu, gjatë operacionit policor është sekuestruar edhe automjeti/vetura Ford Focus ngjyrë hiri me
targa vendore si dhe një telefon.
“I dyshuari në prani të avokatit mbrojtës me vet autorizim, ka shfrytëzuar të drejtën për tu mbrojtur në
heshtje duke mos dhënë asnjë detaj për rastin. Sektori Qendror i Hetimeve kundër Narkotikëve (SQHN) është mbështetur edhe nga: Drejtoria e Teknikës Kriminalistike në Prishtinë, Njësia për Reagim të Shpejtë (NJRSH) në Prishtinë, Patrulla Policore e stacionit policor në Obiliq dhe Patrulla Policore e stacionit policor në Fushë Kosovë. Me vendim mbi ndalimin e personit, të dyshuarit i është caktuar masa e ndalimit prej 48 orëve. Hetimet janë duke vazhduar nga Drejtori për Hetimin e Trafikimit me Narkotik (DHTN), Sektori Qendror”, thuhet në raportin e Policisë.
