Sonte (e enjte) po mbahet nata e dytë gjysmëfinale e ‘Eurovision 2023’.
Shqipëria prezantohet këtë vit nga Albina dhe Familja Kelmendi të cilën kaë përfunduar me sukses interpretimin e këngës së tyre “Duje”.
Ata janë ngjitur në skenë të katërmbëdhjetët me radhë, me ç’rast numri 14 do të jetë edhe kodi me të cilin ata do të mund të votohen nga publiku.
Mund të votohet nga të gjitha shtetet të cilat janë prezantuar në natën e dytë në gjysmëfinale si dhe nga tri shtetet që janë kualifikuar automatikisht në finale (Mbretëria e Bashkuar, Ukraina dhe Spanja).
Albina dhe Familja Kelmendi në ‘Eurovision 2023’ (Foto: Sarah Louise Bennett / EBU)
Albina dhe Familja Kelmendi e përfaqësuan Shqipërinë si të zgjedhurit e publikut në edicionin e 61-të të Festivalit të Këngës në Radio Televizionin Shqiptar, i cili u mbajt në dhjetor.
Nga 16 shtete sa janë gjithsej në konkurrim, vetëm 10 prej tyre do të marrin biletën për në finalen e madhe e cila do të mbahet të shtunënën në “M&S Bank Arena” të Liverpoolit
