Kushti më i rëndësishëm që Republika e Maqedonisë së Veriut të nisë negociatat me BE-në është që ata të përfshijnë bullgarët në Kushtetutën e tyre. RMV pretendon se janë duke punuar në tekstin për amendamentet kushtetuese, por deri më tani nuk kam parë draft tekst, tha sot para gazetarëve nënpresidentja e Bullgarisë, Iliana Jotova, pas ceremonisë solemne ku ia dorëzoi dokumentet personale dhe shtetësinë bullgare Ohrit. Hristijan Pendikov.
Jotova thotë se “nëse deri në vjeshtë nuk ka ndryshime në Kushtetutën e Maqedonisë, Bullgaria nuk mund t’i japë dritën të gjelbër RMV-së” për anëtarësim në BE.
Ajo theksoi se kushti i parë që nuk është përmbushur është që të dyja vendet të angazhohen për të luftuar kundër gjuhës së urrejtjes.
“Kushti i dytë, i cili gjithashtu nuk plotësohet, është parandalimi i gjuhës së urrejtjes. Nuk respektohet edhe kushti i tretë, pra ndjekja penale e të gjithë atyre që përdorin gjuhën e urrejtjes dhe që kryejnë veprime të drejtuara kundër grupeve të ndryshme etnike, përfshirë edhe bullgarët. As Komisioni i Përbashkët për Histori nuk mund të mburret me ndonjë rezultat. Përderisa nuk i plotësojnë këto kushte, nuk do të ketë negociata me BE-në”, Jotova, raportojnë mediat bullgare.
Zv. presidentja bullgar siguroi se “Sofja i përmbush me përpikëri detyrimet e saj ndaj Shkupit”
