Qeveria ka marrë vendim preliminar për shpronësim për interes publik të pronave të paluajtshme të cilat janë të nevojshme për realizimin e “Projekteve Infrastrukturore për Interes Publik”, në Komunën e Leposaviqit dhe Komunën e Zubin Potokut.
Zëvendësministri i Ambientit dhe Infrastruktruës, Avni Zogiani, tha se Qeveria më 2 shkurt kishte miratuar vendimin për shpronësim, ndërsa pas atij vendimi janë mbajtur dëgjimet publike.
“Qeveria më datë 2 shkurt ka miratuar vendimin për shpronësim. Pas miratimit të këtij vendimi Departamenti i Shpronësimit ka mbajtur dëgjimet publike dhe ka trajtuar shpresat e pronarëve që kanë të bëjnë me procedurën e shpronësimit. Departamenti ka vendosur të propozoj vendimin me të cilin miratohet procesi”, tha ai.
Sipas njoftimit zyrtar, më 2 shkurt 2023 është marrë vendim me të cilin autorizohet Ministria e Mjedisit, Planifikimit Hapësinor dhe Infrastrukturës, për kryerjen e punëve përgatitore për përcaktimin e përshtatshmërisë potenciale të një ose më shumë parcelave të pronës së paluajtshme për realizimin e “Projekteve Infrastrukturore për Interes Publik’’ në dy zona kadastrale, në fshtrat Dren dhe Leshak të komunës së Leposaviqit.
kujtojmë se më 16 janar, Qeveria e Kosovës, e kryesuar nga kryeministri Albin Kurti, e shpalli një tokë në territorin e Komunës së Leposaviqit “pronë të paluajtshme me interes të veçantë publik”, e cila, siç tha, është e nevojshme për realizimin e projekteve infrastrukturore me interes publik”.
