Qeveria e Kosovë në mbledhjen e mbajtur sot ka miratuar sanksione shtesë ndaj Rusisë dhe Bjellorusisë për shkak të agresionit rus në Ukrainë.
Ministrja për Punë të Jashtme dhe Diasporë, Donika Gërvalla, ka thënë se edhe pse Kosova nuk është e obliguar t’i miratojë sanksionet në fjalë, ajo e bën këtë për t’u rreshtuar me BE-në dhe ShBA-në për ta dënuar agresionin rus në Ukrainë.
“Republika e Kosovës edhe pse nuk është e obliguar për shkak se ende nuk e gëzon statusin e vendit kandidat, Kosova i ka zbatuar sanksionet e vendosura nga ShBA-ja dhe BE-ja”.
Sanksionet shtesë janë miratuar në mënyrë unanime nga kabineti qeveritar, ku po vazhdohet me shqyrtimin e pikave tjera të rendit të ditës.
