Ministri i Bujqësisë, Pylltarisë dhe Zhillimit Rural, Faton Peci, ka falënderuar qytetarët për bashkëpunim në ndalimin e produkteve të dyshimta dhe konfiskimin e tyre gjatë aksionit të sotëm të AUV.
“Faleminderit qytetarëve për bashkëpunimin!
AUV ka zhvilluar një aksion ne dy lokacione për të cilat dyshohej se vendosnin në treg produkte ushqimore me afat të skaduar dhe me data skadence të manipuluara.
Zyrtarët e AUV-së, bashkë me mbështetjen e Policisë së Kosovës kanë ndaluar dhe bllokuar këto produkte ushqimore të dyshimta si dhe njëherit kemi nxjerrë urdhërin për tërheqjen e produkteve të njëjta nga tregu”, ka shkruar Peci.
Peci ka thënë se sot, në prani të zyrtarëve të AUV janë asgjësuar rreth 3100 çokollata, ndërsa ditëve në vijim do të kryhet asgjësimi edhe i rreth 1500 çokollatave të tjera në një lokacion të dytë, të cilat gjinden të bllombuara.
“Falenderojmë qytetarët e Republikës së Kosovës të cilët janë palë bashkëpunuese në luftimin e dukurive të tilla negative që cenojnë shëndetin publik”, ka shkruar ministri Peci në profilin e tij në Facebook.
