Ushtria e Kosovës është pajisur me dronët Bayraktar, të cilët muaj më parë Ministria e Mbrojtjes kishte nënshkruar kontratë me një kompani prodhuese në shtetin e Turqisë.
Dronët kanë gjatë dy ditëve të kaluara në Aeroportin Ndërkombëtar të Prishtinës dhe për këtë kishte edhe prani të shtuar të Forcës së Sigurisë në zonën VIP të Aeroportit, shkruan telegrafi
Ministri i Mbrojtjes, Armend Mehaj gjatë vitit të kaluar kishte realizuar edhe një vizitë në Turqi, ku për së afërmi ishte njoftuar me dronët dhe teknologjinë e fundit që po prodhohen në kompaninë Baykar.
Po ashtu, edhe presidentja e vendit Vjosa Osmani muaj më parë kishte vizituar fabrikën e dronëve “Baykar”.
“Vizitën në Turqi e fillova në fabrikën për prodhimin e dronëve “Baykar”, në Stamboll, e cila është një rrëfim inspirues për arritjet në sferën e avancimit teknologjik dhe inovacionit të ndërlidhur me sektorin e mbrojtjes dhe të sigurisë”, kishte deklaruar Osmani.
"Zetavia" Ilyushin Il-76TD ??UR-CTX flew from ??Tekirdag Corlu Airport to ??Pristina in Kosovo yesterday and seems to do the same now.
— Gerjon | חריון | غريون | ኼርዮን (@Gerjon_) May 4, 2023
Back in Dec 2022, it was announced that Kosovo is interested in purchasing Bayraktar TB2 drones, wich are usually delivered through Tekirdag. https://t.co/9tVKbSpamZ pic.twitter.com/w4rilv8a7g
Ndryshe, dronët inteligjentë janë sulmues pa pilotë, që kontrollohen nga një bazë tokësore.
Dronët Bayraktar, TB2, hyjnë në mesin e armëve që kanë qëndrueshmëri të gjatë në lartësi të mesme (MALE), me rekord fluturimi deri në 27 orë e 3 minuta dhe përveç sulmeve të armatosura kanë për funksione kryesore misionet e inteligjencës, vëzhgimin dhe zbulimin.
Ndryshe, edhe një kontrollues i trafikut ajror, Gerjon ka shkruar rreth dronëve Bayraktar.
