Ngrohtorja “Termokosi” të premten ka përfunduar sezonin e ngrohjes 2022/2023, pasi ditëve në vazhdim pritet të ngritën temperaturat.
Ndërprerja e ngrohjes u bë në një ceremoni, ku i pranishëm ishte edhe kryetari i Komunës së Prishtinës, Përparim Rama.
Rama theksoi se përpos Qendrës Klinike, Universitare të Kosovës (QKUK), ndërprerja do të bëhet në krejt Prishtinën.
“Kjo sezon ka qenë më efikasi dhe më i gjati në historikun e “Termokosit”, pra kemi filluar më herët, po e përfundojmë më vonë dhe gjatë kësaj periudhe nuk kemi pasur asnjë problem. Kryeqyteti ka pasur ngrohje tërë kohën që u ka ofruar një konfront të shtuar të gjithë qytetarëve të kryeqytetit”, ka theksuar Rama.
E kryeshefi i “Termokosit”, Fisnik Osmani, ka deklaruar se shpejt do të nisin përgatitjet për sezonin e vitit të ardhshëm. Ai ka theksuar se gjatë kësaj kohe nuk e kanë ndërprerë asnjë ditë furnizimin me ngrohje.
“Sot ‘Termokosi’ po e përmbyll suksesshëm sezonin e radhës. Po bëheni gati që të kemi një sezon edhe më të suksesshme vitin e ardhshëm. Po e përmbyllim sezonin me 198 ditë aktive pa asnjë një ditë ndërprerje të ngrohjes”, ka thënë Osmani.
