Qeveria e ka emëruar Bordin e ri të Shërbimit Spitalor dhe Klinik Universitar të Kosovës në mbledhjen e mbajtur të mërkurën me propozimin e ministrit të Shëndetësisë, Arben Vitia.
Janë emëruar shtatë anëtarë në Bord, ndërsa njëri prej tyre zgjidhet në bazë të konkursit publik, siç ka thënë Vitia gjatë mbledhjes së Qeverisë.
Dren Boshnjaku, përfaqësues nga QKUK, Tetore Olloni nga Stomatologjia, Rrezarta Bajrami nga IKSHPK, Besim Demolli nga Spitali i Përgjithshëm i Ferizajt, Vjosa Kadolli nga Shërbimi i Kujdesit Parësor, Naim Bardiqi si përfaqësues nga Ministria e Shëndetësisë dhe një ekspert i menaxhimit shëndetësor që zgjidhet përmes konkursit publik, janë anëtarët e rinj të Bordit drejtues të SHSKUK-së.
“Bordi ka për detyrë mbarëvajtjen e të gjitha punëve të SHSKUK-së. Janë përgjegjës për përformancë profesionale dhe afarizmin financiar”, ka thënë Vitia.
Megjithatë, procesi është kritikuar nga partitë opozitare, të cilat kanë konsideruar se procesi i përzgjedhjes së anëtarëve të Bordit të SHSKUK-së, është ballafaquar me konflikt interesi. Vitia pati thënë se janë në pritje të Agjencisë Kundër Korrupsionit për të parë nëse njëri prej anëtarëve përbën konflikt interesi.
Bordit të kaluar të Shërbimit Spitalor Klinik dhe Universitar i ka skaduar mandati më datë 27 mars 2023. Bordi i cili është emëruar më datën 27.03.2020, e të cilit tashmë i ka skaduar mandati, ka qenë me këtë përbërje: Aida Rexhepi, Agreta Gecaj-Gashi, Vjollca Kodolli, Xhevat Jakupi, Enver Gashi dhe një përfaqësues i MSH-së.
Këta janë anëtarët e bordit:
Dren Boshnjaku
Tetore Olloni
Rrezarta Bajrami
Besim Demolli
Vjollca Kadolli
Naim Bardiqi
