Kryeministri i Republikës së Kosovës, Albin Kurti, për nder të muajit të Ramazanit, ka shtruar iftar për myftiun e Kosovës, Naim Tërnava, dhe bashkëpunëtorë të tij.
I shoqëruar nga ministri i Kulturës, Rinisë dhe Sportit, Hajrulla Çeku, Kurti u uroi agjërim sa më të lehtë të ditëve të mbetura të këtij muaji të shenjtë për besimtarët myslimanë.
Muaji Ramazanit është muaj i devotshmërisë, mirësjelljes me njerëzit përreth dhe ndihmës për atë në nevojë. Në iftare të përbashkëta si sonte përcjellim mesazhin e tolerancës, solidaritetit dhe mirësisë.
