Ministri i Mbrojtjes, Armend Mehaj ka zhvilluar të enjten një takim me depytetët që janë 3edhe anëtarë të Komisionit Parlamentar për Çështje të Sigurisë dhe Mbrojtjes.
Mehaj thotë se me deputetët është diskutuar për Strategjinë e Mbrojtjes si dhe konceptin e komponentës rezervë, si dokumente tejet të rëndësishme për zhvillimin e Forcës së Sigurisë së Kosovës, e për të hartimin e të cilave kërkohet angazhimi maksimal i të gjithë akterëve.
“Me qëllim që këto dokumente të jenë të zbatueshme në praktikë, janë inkorporuar të gjitha komentet relevante, përfshirja e të cilave i shton vlerë aspektit strategjik të tyre. Temë tjetër diskutimi ishte edhe Agjencia e Inteligjencës për Siguri të Mbrojtjes, si organ që do të ushtrojë aktivitetin e saj brenda dhe jashtë territorit të Republikës së Kosovës me qëllim të mbështetjes së Ministrisë së Mbrojtjes (MM) dhe Forcës së Sigurisë së Kosovës (FSK) në fushën e zbulimit, kundërzbulimit dhe sigurisë lidhur me kërcënimet apo rreziqet e mundshme për kryerjen e misionit të tyre kushtetues dhe ligjor”, ka thënë Mehaj.
Mes tjerash ministri Mehaj tha se Ushtria është prioritet, andaj edhe angazhimi ndërinstitucional në funksion të zhvillimit të kapaciteteve ushtarake është obligim.
