Kryeministri i Shqipërisë, Edi Rama, ka kërkuar në Samitin e NATO-s, që po mbahet në Madrid, që Kosova të ftohet menjëherë në mekanizmin e Partneritetit për Paqe. Ai po ashtu ka kërkuar nga vendet e NATO-s që nuk e njohin Kosovën, që ta bëjnë atë sa më shpejt.
Rama po ashtu ka thënë se qëndrimi i Kosovës ndaj agresionit rus në Ukrainë duhet të vlerësohet.
“Kërkova që Kosova të ftohet menjëherë në mekanizmin e Partneritetit për Paqe. Vendet që nuk e njohin ende Kosovën duhet të vlerësojnë qëndrimin e saj krejt të njehsuar me BE-në ndaj agresionit rus mbi Ukrainën – pavarësisht se Ukraina nuk e ka njohur ende Kosovën”, ka shkruar Rama në Twitter.
