Në Kosovë në dy ditët e ardhshme do të mbajë mot i vranët e me reshje shiu.
Siç ka bërë të ditur Instituti Hidrometeorologjik i Kosovës të hënën do të jetë moti kryesisht i vranët e me reshje shiu, dhe do të ketë ulje të temperaturave.
“Po ashtu parashihen erëra të fuqishme në disa rajone të veriut të Dukagjinit, ndërsa në viset e larta me lartësi mbidetare mbi 800m , reshjet e shiut do të jenë të përziera me borë”, thuhet nga Instituti.
Të martën do të jetë mot i vranët e me intervale të shkurta me diell. Ndërsa të mërkurën do të ketë mot me vranësira të shpërndara e intervale më të gjata me diell.
Të enjten do të jetë mot më stabil, me pak vranësira e me intervale me diell, ndërsa të premten moti do të jetë i vranët, vranësirat do të sjellin gjatë pjesës së dytë të ditës edhe riga shiu.
“Vikendi parashihet me kushte tjera meteorologjike. Gjatë kësaj periudhe kohore do të ketë erëra mesatare deri të forta kryesisht gjysma e parë e javës, ndërsa drejtimi do të jetë nga verilindja dhe juglindja”, thuhet nga Instituti.
