Një mjet eksplodues është gjetur në fshatin Begracë të komunës së Kaçanikut, dje rreth orës 17:40.
Sipas Policisë së Kosovës, njësia përkatëse ka bërë sigurimin e vendit të ngjarjes, ndërsa njësitë e FSK-së dhe KFOR-it kanë bërë tërheqjen e mjetit të dyshuar në mënyrë të sigurt.
Në lidhje me rastin është njoftuar prokurori i shtetit.
“Ankuesi mashkull kosovar, ka informuar se sa ishte duke punuar kishte hasur në një mjetë të dyshuar eksplodues. Njësia përkatëse ka bërë sigurimin e vendin të ngjarjes, ndërsa njësitë përkatëse të FSK-së dhe KFOR-it kanë bërë tërheqjen e mjetit të dyshuar në mënyrë të sigurt. Në lidhje me rastin është njoftuar prokurori i shtetit”, thuhet në raportin e policisë.
