Kuvendi i Kosovës ka vazhduar sot me seancën plenare ku pas deklarimet për temë të ndryshme, ka nisur shqyrtimin dhe miratimin e ligjeve të ndryshme.
Deputetët miratuar në lexim të dytë Projektligjin për pyjet dhe Projektligjin për sigurinë e përgjithshme të produkteve.
Pro këtyre projektligje votuan 61 deputetë të mazhorancës, ndërkaq, deputetët nga opozita u përmbajtën nga votimi.
Seanca e Kuvendit të Kosovës po vazhdon me pikat të tjera që janë në rend të ditës, ndërsa tashmë deputetët opozitar nga radhët e Lidhjes Demokratike të Kosovës (LDK), kanë dalë jashtë sallë.
Ky subjekt politik nuk ka dhënë ndonjë sqarim pse lëshuan seancën, por ky veprimi i tyre ka nxitur reagimin e deputetit nga radhët e Lëvizjes Vetëvendosje, Adnan Rrustemi.
“Seanca po vazhdon me shqyrtimin dhe miratimin e ligjeve, por edhe interesimi i deputetëve institucionalistë të LDK për shtet, po shihet qartë”, ka shkruar Rrustemi, ndërsa ka publikuar edhe fotografi ku shihen të zbrazëta ulëset ku është i vendosur Grupi Parlamentar i LDK-së.
