Kryeministri i Kosovës, Albin Kurti, bashkë me Rifat Jasharin, vëllain e komandantit legjendar, Adem Jashari, po vazhdojnë aktivitetet për nder të Epopesë.
Në një video të siguruar nga KosovaNews, shihet kryeministri dhe Rifat Jashari duke hyrë në veturë për të udhëtuar së bashku në vizitat për nder të Epopesë së UÇK-së.
Po ashtu, Kurti ka postuar një fotografi në Instagram me mbishkrimin “Bashkë me Bacën Rifat udhëtojmë për në aktivitetet tjera në nder të Epopesë së UÇK-së”.
Kujtojmë se sot, më 6 mars u mbajt seanca solemne e Kuvendit të Kosovës si dhe aktivitetet për shënimin e përvjetorit të 25-të të kësaj ngjarjeje historike që nisën dje më 5 mars, do të vazhdojnë më sot dhe nesër kur edhe përfundojnë me atë që quhet `nata e zjarreve`.
