Në një paraqitje televizive mbrëmë Baton Haxhiu foli për detajet e takimit të parë që e ka pasur kryeministri i Kosovës, Albin Kurti dhe presidenti serb, Aleksandër Vuçiq.
Ai duke dhënë detaje që nuk tregoi se kush ia tha (meqë vetë nuk ka qenë në takim), ka thënë se herët e para Kurti e Vuçiq nuk kanë zhvilluar takim dialogues, por që të dy e kanë fyer njëri-tjetrin.
“E kam lexuar draftin e takimit të parë në Bruksel. Kurti dhe Vuçiq nuk kanë dialoguar në dy takimet e para, kanë fyer njëri-tjetrin. I pari Kurti i ka thënë se ‘ti je djali i Millosheviqit’, ‘Je Millosheviq’, ‘ke vrarë kaq’, pastaj vjen kjo e Vuçiqit, i lutet që të flet në serbo-kroatisht dhe i thotë: Čuti bre budalo, kako bi te ošamario (mshele gojën bre budall, si ta kisha fut një shuplak). Ky ka qenë takimi i parë, ka qenë ofendues deri në atë pikë sa takimet e fundit kanë qenë korrekte, miqësore”., ka thënë Haxhiu gjatë emisionit Pressing në T7.
E për gjithë këtë ka reaguar këshilltari i kryekuvendarit Konjufca, Avni Zogiani, i cili tha se Baton Haxhiu nuk njihet për nodnjë mendimtar, por për shërbime nga më të pistat në fushën e gazetarisë, duke vepruar si një nyje mes shërbimeve të spiunazhit, korrupsionit në politikë, medias, e biznesit.
Zogiani u ndal te fjala e Haxhiu i cili tha se Kurti ka fyer Vuçiqin, duke i thënë kriminel e Millosheviq.
“Kriminel, nuk është fyerje, është akuzë për krime, të cilën siç duket ata shokët e tu që kanë qenë më herët, Baton, nuk ia kanë thanë Vuçiqit! Po ku i dallon ti këto kategori! Nejse, nuk njihesh për ndonjë mendimtar ti, por për shërbime nga më të pistat në fushën e gazetarisë, tu vepru si një nyje mes shërbimeve të spiunazhit, korrupsionit në politikë, medias, e biznesit”.
Aktivishti e opinionisti Zogiani ka shtuar më tej kritika ndaj Haxhiut, duke i thënë se jep shërbime të ulëta për goxha pagesë.
“Ti Baton nuk shquhesh as paguhesh për ndonjë aftësi, por për faktin se jep shërbime të ulëta në fushën e medias, për pagesa goxha të mëdha… Të njëjtën mund ta kishte bërë kushdo, por nuk e bëjnë sepse vendosin kështu! Pra, një shërbim të pisët për pare, të cilin mund ta bëjnë të gjithë por refuzojnë ta bëjnë, e ka një emër që kësaj radhe s’po e them. Është profesion shumë i vjetër!”, ka shkruar Zogiani.
