Policia e Kosovës njofton se e ka identifikuar kundërvajtësin i cili në zonën ku kufizimi i shpejtësisë është 50 km/h, e ka drejtuar automjetin me shpejtësi prej 123 km/h.
Njësia e Trafikut në kuadër të Drejtorisë Rajonale të Policisë në Mitrovicën e Jugut, gjatë kontrollit të trafikut rrugor në rrugën nacionale Mitrovicë-Prishtinë në segmentin rrugor në fshatin Deberllukë, gjatë matjes së shpejtësisë me radar ka identifikuar një veturë e cila ishte duke zhvilluar shpejtësi prej 123km/h në zonën ku kufizimi i shpejtësisë është 50 km/h.
Sipas njoftimit policor, gjatë verifikimit ka rezultuar që kundërvajtësi – drejtuesi veturës nuk posedonte as patentë shofer.
Për këtë arsye, Policia thotë se lënda për dy kundërvajtjet i është proceduar në gjykatën kompetente.
