Ministri i Administrimit të Pushtetit Lokal, Elbert Krasniqi së bashku me ambasadorin e OSBE-së, Michael Davenport, sot kanë ndarë mirënjohje për komunat të cilat kanë hartuar dhe miratuar Planet e Integritetit.
Ministri Krasniqi theksoi rëndësinë e këtij procesi duke përmendur se Integritetit i institucioneve publike është një nga parimet më të rëndësishme të qeverisjes së mirë.
Ai tha se përpjekjet për integritet, transparencë e llogaridhënie, duhet të jenë jo vetëm plane por edhe udhërrëfyes praktik i punës së përditshme.
Krasniqi tutje tha se hartimi i planit të integritetit është obligim i cili buron nga legjislacionin në fuqi si dhe “Strategjia Shtetërore Kundër Korrupsionit 2021-2023”.
“Përveç obligimeve ligjore, hartimi i planeve komunale, është dhe ka qenë një nga prioritetet i cili ka zë vend të rëndësishëm në raportet e Komisionit Evropiane për Kosovën për shumë vite radhazi”, tha ndër të tjerash Krasniqi.
