Në prag të dhjetë vjetorit të vendosjes së marrëdhënieve diplomatike, presidentja e vendit, Vjosa Osmani, sot ka filluar vizitën në Tajlandë.
Në ditën e parë të kësaj vizite ajo u prit nga kryeministri i Tajlandës, Gjeneral Prayut Chan-o-cha, me ç’rast që të dy palët e konfirmuan gatishmërinë e dyanshme për intensifikimin e bashkëpunimit në fusha të interesit të përbashkët.
Përmes një postimi në facebook, presidentja Osmani, ka deklaruar se që të dy vendet janë gjeografikisht larg, por kanë potencial të madh për të ndërtuar lidhje të forta midis institucioneve, ekonomive dhe njerëzve.
“Nga kjo vizitë, e para e një kreu të shtetit të Kosovës, pres vazhdimin e shkëmbimit tonë nëpërmjet bashkëpunimit në tregti, turizëm si dhe në fusha të tjera.”, ka shkruar Osmani/KosovaNews/
