Një 63-vjeçar nga Kosova raportohet të jetë fyer në baza racore të mërkurën në mbrëmje në Rehfelde të Gjermanisë, derisa po kryente disa blerje. Siç ka njoftuar departamenti i Policisë në këtë rajon, 63-vjeçari është sulmuar verbalisht nga një qytetar në hapësirat e parkingut të një supermarketi.
Pasi burri dhe shoqëruesi i tij kanë hyrë në dyqan, ai u ndoq edhe më tej dhe u fye.
Punëtorët e tregut kanë larguar kryerësin e veprës dhe kanë njoftuar policinë, shkruan “rbb24”.
Sipas Policisë, burri që ka fyer kosovarin ka ikur dhe është zhdukur me veturën e tij.
Prokuroria ka nisur hetimet për veprën “nxitje”.
