Sot, u mbajt seanca gjyqësore të radhës për rastin “Banjska”, ku prokurori special i shtetit, në cilësinë e provës, paraqiti para të pandehurve një inçizim.
Në këtë video u shfaq një tubim i mbajtur më 13 tetor 2021, ku presidenti i Serbisë, Alleksandar Vuçiq i kishte pritur në Rashkë të Serbisë “një grup qytetarësh serb nga Kosova”, në fakt, të gjithë pjestarë të strukturave ilegale e kriminale të Serbisë, që aso kohe funksiononin në vendin tonë. Në minutën e gjashtë të këtij inçizimi, u shfaq serbi nga Zveçani Vlladimir Radivojeviq – i njohur me nofkën “Mami”, i cili në këtë tubim që ngjasonte me “mitingjet e solidaritetit” të viteve 80ta të shekullit të kaluar, para Vuçiqit e qante hallin e serbëve të Kosovës.
Në sulmin terrorist të 24 shtatorit e vitit 2023 ky “Mami” nga Zveçani u shfaq në mesin e bandës terroriste të Banjskës, i ulur fare pran kryeterroristit Milan Radojçiq. Ai është njëri nga 43 personat e kërkuar nga policia e Kosovës, për pjesëmarrje në sulmin terrorist në Banjskë.
Sipas organeve të sigurisë së Kosovës, Vlladimir Radivojeviq është i dyshuari kryesor për vrasjen e oficerit policor, sot Heroit të Kosovës, Afrim Bunjakut. Telefoni i tij është gjetur në vendin ku është iniciuar aktivizimi i minës, nga e cila është vrarë efektivi policor Bunjaku. Prezenca e tij në sulm është dëshmuar edhe nga imazhet e gjirimeve me dron.
Por, terroristi “Mami”, nga Zveçani, pëveç se ishte pjestarë i strukturave kriminale të Serbisë në Kosovë, ai kishte pasur edhe një angazhim tjetër në Kosovë dhe ate të mirëpaguar.
Vlladimir Radivojeviq kishte qenë shofer personal i drejtorit të “Telekom Srbija” në Kosovë, apo mts DOO, Zoran Milivojeviç – i njohur me nofkën “Zelja”. “Mami” ishte paguar nga ky operator që në vendin tonë ofron telefoni mobile e shërbime kabllore e IP-TV.
Sipas burimeve të KosovaNews, Vlladimir Radivojeviq i kishte rrjedhur rroga deri në muajin shkurt të vitit 2024, pra, edhe gjashtë muaj pas sulmit terrorist në Banjskë, ku ky kishte qenë një ndër organizatorët. Që prej atëherë Radivojeviç është në arrati, sot organet e Kosovës kanë shpallur fletërreshtim ndërkombëtar për të dhe për mëse 40 tjerë.
Zoran Millivojeviq, i njohur me nofkën “Zelja” është njeri i afërt me Vuçiqin e një veçanti me njeriun e Moskës në Serbi, Alleksandar Vullinin. Për më shumë, mund të ndiqni një emision nga produksioni “Insajder” e të emituar, në maj të vitit 2018, nga kanali N1 në Serbi.
Në këtë emision tregohet për një objekt hoteliero-turistik që është ndërtuar në maje të Kopaonikut, në Serbi, mu në buzë të kufirit me Kosovën, prej kah, si në shuplakë të dorës, shifet një pjesë e mirë e Kosovës. Emisioni në fjalë e lidhë “Zeljan” me këtë ndërtim pa leje ndërtimore, si dhe e përshkruan tolerimin e kësaj nga një ministri serbe, në krye të së cilës në atë kohë ishte Vullini. “Zelja” kishte mbajtur pozitën e “drejtorit krahinor për telekomunikacione”, në kuadër të strukturave paralele e ilegale të Serbisë në Kosovë. Gjishashtu, njifet si një harbut, një zhdepës, që i sulmon fizikisht oponentët e Vuçiqit. Biografija e tij “e pasur”, përshkruhet në këtë artikull të botuar në Serbi.
Ndërmarrja shtetërore serbe “Telekom Srbija” është pronare e “ArenaSport”, buqetës së kanaleve sportive të cilat në Kosovë i transmeton (vetëm në serbisht) kompania ArtMotion dhe satelitët e saj.
Pikëtrisht përmes këtyre kanaleve, tre ditë pas sulmit terrorist në Banjskë, në ekranet tona përmes operatorit Art Motion u transmetuan spote propagandistike që glorifikonin terroristët.
Pas reagimit të ashpër të opinionit në Kosovë, Komisioni i Pavrur për Media (KPM) u “alarmua”, duke u detyruar të mbajë mbledhje të jashtëzakonshme dy dië pas kësaj.
Me datë 3 tetor 2023 KPM nxorri vendim duke urdhëruar ndërprerjen e mënjehershme të këtyre kanaleve dhe paralajmëroj ndërmarrjen e masave të ashpra ndaj operatorëve kabllorë.
Megjthë “alarmin”, KPM-ja me një vendim të befasishëm në natën e 6 shkurtit të 2024-tës, vendosi që kanalet e “Arena Sport” të rikthen në platformat kabllore në Kosovë.
Por, paralamërimet e KPM-së për “masa të ashpra” ndaj operatorëve që lejuan transmetimin e propagandës serbe në Kosovë përfunduan në “ledhatime” duke mos u shqiptuar asnjë gjobë të vetme.
Mosndëshkimin KPM e arsyetoj duke thënë se operatori “Arena Sport”, atje në Serbi, ka kërkuar falje dhe se është zotuar se kjo gjë më nuk do të përsëritet, megjithëse ish kryetari i KPM-së Jeton Mehmeti në atë kohë nuk e prezantoj askund para deputetëve të Komisionit Parlamentar për Media letrën e kërkimfaljes.
KosovaNews gjatë vitit 2023 ka publikuar një seri hulumtimesh për pronësinë e operatorit ArtMotion dhe televizionit “Klan Kosova”, të cilat u vërtetuan se ishnin të regjistruara në Shkup të Maqedonisë, herë në “Peç, Srbija” e herë në “Djakovica, Srbija”. ArtMotion, ishte regjistruar edhe në Novi Sad të Serbisë, mu në selinë e “Klanit të Novi Sadit”, pasardhës i “Klanit të Zemunit”.
Megjithë “përmirësimet” që i kishin bërë e ku padronët e tyre i arsyetonin duke thënë se ishin vetëm “gabime teknike”, ArtMotion dhe satelitët e tij vazhdojnë t’i transmetojnë kanalet e kompanisë “Arena Sport” të Serbisë. Kompania “Arena Sport” është e “Telekom Srbija”, e cila sipas raporteve të Komisionit Europian kritikohet se është kthyer në një vegël të makinerisë propaganduese të presidentit autokrat serb, Alleksandar Vuçiq.
