Aktualisht në vendin tonë janë 371 raste aktive me COVI-19 dhe kjo është bërë e ditur në raportin e fundit të Ministrisë së Shëndetësisë.
Sipas këtij raporti dje kanë qenë 25 raste me COVID-19 të cilat kanë dalë nga 229 testime të kryera.
Sipas njoftimit, në 24 orët e fundit nuk ka të vdekur si pasojë e COVID-19, ndërsa janë shëruar 190 persona.
Prej fillimit të vaksinimit në të gjitha qytetet e Kosovës janë dhënë 1.835.735 doza të vaksinës, ku me dozën e parë janë vaksinuar 904,191 qytetarë.
Deri më sot 824.563 qytetarë janë vaksinuar me dozën e dytë, ndërsa janë dhënë 105.048 doza të treta të vaksinës kundër COVID-19.
Me dozën e katërt janë vaksinuar vetëm 1,741 persona.
Për koronavirusin e ri, që shkakton sëmundjen COVID-19, është raportuar për herë të parë në dhjetor të vitit 2019 në Vuhan të Kinës.
Organizata Botërore e Shëndetësisë e pati shpallur koronavirusin si pandemi më 11 mars të vitit 2020./KosovaNews/